Иван Силвай, Szilvay János (*15. марец 1838 – †13. фебруар 1904) — грекокатолицкый священик, русинскый писатель, етнограф, културный дѣятель на Угорской Руси. Быв запаленым бойовником против помадярѣня угорскых Русинох. В литературной творчости быв найплоднѣйшым русинскым писательом 19. стороча,Бенедек, Андраш Ш., с. 91. писав приятым в том часѣ "язычием" и по русскы.
Биография Отець Ивана Силвая, Антоний Силвай, священик, народности мадярской,Автобіографія, с. 29. походив з «давной мадярской немешской фамилии в Угочи», мати, Катерина Легеза, была Русинка. Иван быв третим дѣтваком в родинѣ, мав еще двѣ старшы сестры.
По зачаточной домашной выуцѣ, за еден учебный рок 1846/47 закончив елементарну школу в Унгварѣ, и поступив до тогды еще шѣстькласной прогимназии (algimnázium) там же, котру закончив в року 1854. Повный, восямкласный, курс гимназии закончив в Сатмарѣ в року 1856, де склав матуру. Теологичне образованя продовжив на Пештянской семинарии, днесь богословска факулта Будапештской универзиты (1856-1860). Року 1862 оженив ся. Мав 10 дѣтей, з них четверо умерли в молодом вѣку. Сын Сион Силвай записав ся до истории русинской културы яко драматик, малярь, композитор и хормайстер.
Року 1870 зачав свою писательску чинность опубликованьом сатиры Крайцарова соната в Свѣтѣ, з чим ся наразив епископови Панковичови.
Священничу службу зачав в Сусковѣ. В року 1881 достав фару Турѣ Реметы. В року 1899 перенесеный до Нового Давыдкова, де служив до смерти.
Творба
Иван Силвай свои творы публиковав в периодичной пресѣ: Церковная газета, Свѣтъ, Новый Свѣтъ, Карпатъ, Слово, в каждорочных календарях - мѣсяцословах. В року 1875 в журналѣ Славянскій сборникъ, Санкт-Петербург, появив критичну статью Положеніе угорскихъ русскихъ подъ управленіемъ Стефана Панковича, епископа Мукачевскаго, де говорив о политицѣ помадярщѣня в епархии. В року 1891 в журналѣ Живая старина в Санкт-Петербургу опубликовав етнографичну роботу Свадебные обряды в Угорской Руси. За живота были опубликованы лем двѣ его книгы: Другый свѣт (в двох томах, 1898) и Пѣсенник (1903).Магочій П.Р., Поп І.Поп И.
Иван Силвай лишив по собѣ шѣсть объемны рукописны томы. Четыри захранили ся в архивѣ фолклористы и литературознателя Петра Линтура. Они послужили жерелом про посмертны выданя. В Ужгородѣ в року 1938 окремов книжков была выдана Автобиография, друга посмертна книжка Собраніе сочиненій вышла в року 1941. В року 1957 редакторы Иван и Андрей Шлепецкы в Пряшовѣ выдали обширнѣйшый том з его творбы под назвов Избранные произведения.
Педагогы зазначають велику цѣнность книгы казань Другый свѣт не лем як религийных поучовань, але як фактора формованя образовного уровня русинского народа, усвѣдомлѣня его великых можности и природных прав жити, як иншы великы народы.Алмашій М.Гомоннай В.В.
Друга робота, котра мать велике историчне, фактографичне, публицистичне значѣня — Автобиография.Недзѣльскій Е. Фактичный опис авторового живота там занимать зовсѣм скромне мѣсто, але найвеце автор подавать читательови опис епохы, образы вызнамных дѣятелей, погляды на народность, сполоченство, язык и литературу.
Жерела и одказы Алмашій, Михайло. Русинська педагогічна енциклопедія. Ужгород, 2005. . С. 246. Бенедек, Андраш Ш., Сосїды добрі и вшелиякі. Русины, gens fidelissima. Ужгород: ПоліПрінт, 2001. Гомоннай В.В. Антологія педагогічної думки Закарпаття (ХІХ-ХХ ст.). Ужгород: Вид. «Закарпаття», 1992. Сс. 72-75. Магочій П.Р., Поп І. (уклад.) Енциклопедія історії та культури карпатських русинів. Вид-во В.Падяка. Ужгород, 2010. . Сс. 689-690. Уріилъ Метеоръ (И.А. Сильвай). Автобіографія. Ужгород: Школьная Помощь, 1938. Недзѣльскій, Евгеній. Очеркъ карпаторусской литературы. Изданіе Подкарпаторусскаго Народопросвѣтительнаго Союза въ Ужгородѣ. Ужгородъ, 1932. Сс. 210-220. Поп, И. Энциклопедия Подкарпатской Руси. Ужгород: Изд-во В.Падяка, 2001. 431 с. . С. 341. Иван Силвай на сайтѣ ukrlit.net
Творы Ивана Силвая в интернетѣ Уріилъ Метеоръ (И.А. Сильвай). Автобіографія. Ужгород: Школьная Помощь, 1938. "Другій свѣтъ" Надгробныя слова священника Уріила, т.1, 1895 "Другій свѣтъ" Надгробныя слова священника Уріила, т.2, 1895
Референции
Катеґорія:Русиньскы писателї Катеґорія:Етнографы Катеґорія:Персоналии 19. стороча