I fenici i xera on popolo de l’antica Canaan, ła region ancò ocupá dal nord Israele, Łìbano e la costa de la Siria. I fenici ga svilupá na cultura maritima, de mercanti e viagiatori. El punto pi alto de la loro civilizasion xe stá tra el 1200 e 900 a.C. I fenici vivea in citá stato, le pi importanti iera Tiro, Sidone, Biblos e Sarepta. I ga inventá łe navi biremi, el alfabeto che xe stá la base de tuti i alfabeti ocidentali e semitici, e ga svilupá na cultura scrita. I libri fenici no xe sopravisui, ma savemo da latre fonti che i esistea. Le citá fenice su la costa africana, come Cartazene, ia conservá testi de origine fenicia.
I fenici xe na popolasion originaria de Canaan. I miti antichi che i fasea nasar i fenici in Africa xe miti ceh vol dar na storia a la popolasion, ma no ghe rinvegnimento archeolozego che posa sostegner sti miti. Invece, se sa che i fenici i se ciamava kenaani – omeni de Canaan. La so lengoa xe semitica. Savemo che ghe ze stá n’invasion de on popolo de marinai verso el 1200 a.C. Xe in stò tenpo che i fenici ga scominziá a viajare co navi nove pi rezistenti. El ze posibile che i fenici originari i se sia misciá co popolazioni che vegnea da altre parti del Mediteraneo e gabia acquisito la so cultura.
Etimolozia El nome fenicio vien dal greco phoinix, che a so vlta vegnea dal egizian fnkhw, ch volea dir sirian. L’etimologia che fa risalir el nome da phoenix (roso porpora – che se riferaria a la produzion de la porpora) no ga basamento storico.
Economia
A partir dal l’ano 1200 a.C., i fenici xe diventá la forza navale e comerciale pi importante del Mediteraneo. I fasea marcá de legname – el cedro del Libano – e de la porpora – colorante che i tiraa fora da dei moluschi. Tesuti e vero xerea altri ogeti che i esportava. Da la Spagna i importava aluminio e arzento. Altri materiali vegnea da Cipro, Italia e forse anca da l’Inghiltera. I fenici ga fondá citá o picoli porti su tuta la costa Africana fin in Mauritania, ona on dì de viagio da l’altro. In stò modo, le so navi le podeva senpre far scalo in on porto sicuro.
Religion
I fenici li jera politeisti, i credea in tanti dei. I pi inportanti li xe: Adone: on dio zoino e belo Anath: dea de l’amore e de la guera Asherah: dea de Biblos Astarte: regina de i cieli Baal: el re de l’universo Tanit: la dea de Cartagine Yamm: dio del mar
Parole de orixene fenicia El nome Spagna vien da el fenicio i-shepan, che vol dir tera de i conei. El nome Bibbia vien da el nome de la citá fenicia dove se produsea i primi libri- Biblos.
Altri projeti
Categoria:Popołi de na olta Categoria:Età antiga Categoria:Sensa fonti - storia