Os verbos irregulars acabaus en -uir son cultismos u semicultismos derivaus de verbos latinos acabaus en -UĔRE y presentan diferents trazas d'irregularidat derivadas d'a presencia d'una -i- debant os morfemas personals que encomienzan por vocal y fan que amaneixa una -y-. Historicament en aragonés medieval tenioron una conchugación verbos incoativos d'a tercera conchugación, con incrementos en -ix-. No bi n'ha estudios profundos sobre esta clase de verbos irregulars, ni dende a filolochía hispanica tradicional ni dende a filolochía que estudia l'aragonés como una luenga romanica.

Verbos d'este modelo son: Derivaus de STRUĔRE: construir, destruir, instruir, obstruir, etcetera. Derivaus de TRIBUĔRE: atribuir, contribuir, distribuir, retribuir, etcetera. Derivaus de FLUĔRE: afluir, confluir, influir, refluir, etcetera. Derivaus de STITUĔRE variant de STATUĔRE: destituir, prostituir, restituir, substituyir, estatuir, instituir, etcetera. Atros: disminuir, intuir, diluir.

No perteneixe a este grupo de verbos irregulars conclu(y)ir (concludir en aragonés medieval, visible en a actas de Corz d'Aragón y en o "Libro d'el Trasoro"Dawn E. Prince El aragonés literario a finales del S XIV El testimonio del Libro del Trasoro. Edición y traducción a cargo de Francho Rodés. EDACAR, septiembre de 2007), d'o latín CONCLUDERE), excluir, incluir, recluir, que d'acuerdo con as normas ortograficas podrían escribir-se concluyir, excluyir, incluyir y recluyir por provenir d'un etimo latín con -d- intervocalica perdida y documentar-se a forma concluyir en os "Fueros d'Aragón", Antonio Pérez Martínez: Los Fueros de Aragón: la Compilación de Huesca. Edición crítica de sus versiones romances. El Justicia de Aragón. y a forma conclluyí(r) en benasqués. José Antonio Saura Rami: Elementos de fonética y morfosintaxis benasquesas. Gara d'Edizions, Institución Fernando el Católico, 2003. p 353

Participio Ye bien documentau l'uso medieval tanto de participios regulars en -ido (destruido), como de participios fuertes en -úito (destrúito, escrito destruyto).

A forma instrúito la trobamos en o "Breviarium ab Urbe condita",Breviarium ab Urbe condita a forma destruito y as suyas variants en diferents textos medievals: "Liber Regum", "Vidal Mayor", "Libro de los Emperadors", documentos medievals navarros, actas d'as corz d'Aragón de 1366, etcetera. O filologo Vicente García de Diego considera que deriva d'o latín DESTRUCTUM.Vicente García de Diego Miscelánea Filológica: El Dialecto Aragonés. Inter-Jecciones Demostrativas. Formas Regresivas; Falsos Nominativos; Cruces De Sinónimos. Notas Etimológicas. Sucesores De Hernando, 1925

As formas regulars como statuido, statuida, destruido, etcetera, son as mes frecuents. A sola documentación medieval de formas como destroyidos u destruyidos se reduce a lo manuscrito d'un borrador conservau que facioron escribanos catalanoparlants antes d'a redacción definitiva de "La Grant Cronica d'Espanya de Chuan Ferrández d'Heredia.Regina af Geijerstam. Un esbozo de la Grant Crónica de Espanya de Juan Fernández de Heredia. Archivo de Filología Aragonesa, 52-53, 1996-1997

En o libro "Gramatica de la Lengua Aragonesa" figuran os participios fuertes en -úito como destrúito, constrúito y tamién as formas regulars,Francho Nagore Gramatica de la Lengua Aragonesa 5 edición. Colección Temas. Mira Editores pp 188 pero sin indicar a procedencia d'estas formas.

Present d'indicativo En aragonés medieval tenemos documentau o present con conchugación incoativa (substituexe, statuexe, statuexen),Jose Ignacio López Susín Vocabularios y Derecho aragonés. Los glosarios de Parral, El Ebro revista aragonesista de pensamiento, nº 4-5 marzo de 2005. que naturalment no afecta a las primeras personas plurals (statuimos). En a obra y traduccions de Chuan Ferrández d'Heredia no se gosa veyer y entre os pocos eixemplos tenemos instruex y destruexen en o libro "Rams de Flors". En os textos medievals a primera persona -exco s'escribiba como -esco (instituesco, substituesco), pero se troba a sobén converchent con o castellano -ezco (restituezco, anuezco), y tamién se documenta a forma de tercera persona d'o singular converchent con o castellano -ece (destruece, redargüece, statuece), y a forma de tercera persona plural -ecen (constituecen, destruecen).

A forma instituesco, frecuent en o lenguache notarial se puet trobar dica en o castellano d'o sieglo XVI escrito en Aragón, como por eixemplo un texto de 1534 de Lo Mas de las Matas. Pilar Pueyo Colomina: Documentos notariales actuados por habitantes de Mas de las Matas en la primera mitad del siglo XVI. Mas de las Matas VI, Grupo de Estudios Masinos, 1986

D'esta traza a forma teorica orichinal en grafía medieval sería:

Present d'indicativo Statuexco Statuexes Statuexe Statuimos Statuid(e)s Statuexen

Y con un grau d'influencia castellana:

Present d'indicativo Statuezco Statueces Statuece Statuimos Statuid(e)s Statuecen

Pasau imperfecto d'indicativo Os pasaus imperfectos d'indicativos son regulars. En os textos medievals no se gosa representar a forma en -iba cheneral de l'aragonés moderno, excepcionalment se troba destruyva en as actas d'as Corz d'Aragón celebradas en Zaragoza y Calatayú (1365-1366).

Pasau perfecto simple Presenta una irregularidat por sumar-se a consonant -y- d'a radiz con a i d'o diftongo -ie- d'as formas regulars, partié u sintié. Gramatica Basica de l’Aragonés. Estudio de Filología Aragonesa. ISSN 1988-8139. Marzo de 2017. 16.5.34 Modeo d'o verbo fuyir. Pach. 252

{| class="wikitable" | bgcolor=#cccccc | Pasau perfecto simple |- | bgcolor=#DDEEFF | Destruyié |- | bgcolor=#DDEEFF | Destruyiés |- | bgcolor=#DDEEFF | Destruyió |- | bgcolor=#DDEEFF | Destruyiemos<ref>Discursos d'a historia d'a Guerra d'o Peloponiso</ref> |- | bgcolor=#DDEEFF | Destruyiez|- | bgcolor=#DDEEFF | Destruy(ior)on|}

Present de subchuntivo En aragonés medieval trobamos formas como contribuesca en as corz de Zaragoza de 1366, y en atros textos instituesca.J. Reidy Friz Documentos notariales aragoneses, 1258-1495: estudio lingüístico Diputación Foral de Navarra, Institución Príncipe de Viana, Consejo Superior de Investigaciones Científicas, 1977

En l'aragonés d'as comunidaz aragonesas estos verbos no debeban conchugar-sen como incoativos y en o Fuero de Teruel se conoixe a forma destruya d'o verbo destroyr coincident con o castellano. En a obra de Chuan Ferrández d'Heredia s'escriben as formas (e)struya y (e)struyan.

Pasau imperfecto de subchuntivo Se conoixen formas como contribuyssen.Actas d'o proceso de Corz de Zaragoza (1367) pp262

Problemas d'estandarización Teoricament estos verbos pueden presentar-se vulgarizaus con una -y- en a terminación: destruyir, construyir, como esdevién en os idiomas circunvecins catalánMiquel Colom Mateu Glossari general lul·lià: D-F Editorial Moll, 1985 y castellano. En aragonés medieval os infinitivos s'escriben cuasi siempre acabaus en -uir u con una "h intercalada" en -uhir. En o "Libro de los Emperadors" trobamos destrovir.

En l'aragonés escrito creyau en las decadas de 1970 y 1980 se confundió a terminación vulgarizada en -uyir con la terminación chenuína natural d'atros verbos irregulars como "fuyir", "muyir" y "freyir" (verbos irregulars acabaus en -yir) y se cheneralizó l'uso escrito d'os infinitivos costruyir, destruyir, influyir, restituyir, sustituyir, etcetera, asinas como formas personals que en derivarían por regularidat.

Referencias

Bibliografía Max Gorosch: El Fuero de Teruel; Estocolmo, 1950. Javier Terrado Pablo: La Lengua de Teruel a fines de la Edad Media. Instituto de Estudios Turolenses, 1991. SAROÏHANDY, Jean-Joseph, Misión lingüística en el Alto Aragón (compilación de materials ineditos dende 1906); Xordica Editorial. Zaragoza, 2005. . BARCOS, Miguel Ánchel: El Aragonés Ansotano: estudio lingüístico de Ansó y Fago. Gara d'Edizions. Zaragoza, 2007. María Pilar Benítez: L'Ansotano. Estudio del habla del Valle de Ansó. Gobierno de Aragón, 2001. Chusé Lera Alsina: Aplego. Diccionario de Resistencia y Gramática sobre lo cheso. Massanas gràfiques. 2004. Chabier Lozano Sierra, Ángel Lois Saludas Bernad: Aspectos morfosintácticos del belsetán, 2005, Gara d'Edizions, pp 103–105. Lozano, Ch.: Aspectos Lingüisticos de Tella. Aragonés de Sobrarbe (Huesca). Gara d'Edizions - Prensas Universitarias de Zaragoza - Institución Fernando el Católico. 2010. Brian Mott: El Habla de Gistain. Instituto de Estudios Altoaragoneses, 1989. Fernando Blas Gabarda, Fernando Romanos Hernando: Diccionario aragonés: chistabín-castellano (Val de Chistau). Colección Ainas. Gara d'Edizions, 2008. Chabier Tomás Arias: El aragonés del Biello Sobrarbe. Instituto de Estudios Altoaragoneses, (1999). José Antonio Saura Rami: Elementos de fonética y morfosintaxis benasquesas. Gara d'Edizions, Institución Fernando el Católico, 2003. Ángel Ballarín Cornel: Diccionario del Benasqués. Institución Fernando el Católico, Zaragoza, segunda edición 1978. Mascaray Sin, Bienvenido: Vocabulario del habla de Campo (Ribagorza, Huesca). Xordica Editorial, 2014. María Luisa Arnal Purroy: El habla de la Baja Ribagorza Occidental. Institución Fernando el Católico, 1998.

Categoría:Verbos irregulars en aragonés