Leontios (Λεόντιος), n'español LeoncioEn delles llistes d'emperadores bizantinos, l'emperador Leoncio ye nomáu como Leoncio II, por cuenta de qu'en el sieglu V, mientres el reináu de Zenón I hubo un usurpador al tronu que se llamó tamién Leoncio. (660-706Alesander Kazhdan. Oxford Dictionary of Byzantium. Oxford University Press. ed.1991 ISBN 978-0-19-504652-6, p. 1212") foi emperador de los Romanos mientres unos pocos años a finales del sieglu VII. Mientres el so curtiu reináu (695-698) l'imperiu perdió la so provincia del norte d'África (Cartago), que cayó en manes de los árabes.
Biografía Nació n'Isauria.R.Scott Moore. Leontius (695-698 A.D.), De Imperatoribus Romanis. (1999) Foi un soldáu profesional, llevantóse rápido al traviés de rangos y foi nomáu strategos (gobernador militar) del thema Anatolia mientres el reináu d'Emperador Constantín IV.
Leoncio fuera un xeneral que sirviera a los emperadores Constantín IV y Xustinianu II. Xustinianu II mandar encarcelar en siendo ganáu polos árabes en Sebastopolis.Alexander Canduci. Triumph & Tragedy: The Rise and Fall of Rome's Immortal Emperors. Pier 9. 2010 ISBN 978-1-74196-598-8, p. 199 Foi lliberáu en 695 y darréu entamó un golpe d'estáu que depunxo a Xustinianu II; un emperador que yera odiáu pola población por cuenta de la so dura política fiscal. Leoncio ordenó toyer la ñariz a Xustinianu II y desterralo a la colonia de Querson asitiada en Crimea.
El reináu de Leoncio duró escasamente trés años y foi abondo impopular. L'acontecimientu más importante del so reináu foi la perda del Norte d'África, que foi conquistada polos árabes ente 697 y 698. Una flota imperial unviada a defender la provincia y que foi ganada, proclamó como emperador al so comandante Apsimar.J. B. Bury. A History of the Later Roman Empire from Arcadius to Irene, Vol. II, MacMillan & Co. 1889, p. 354 Al so regresu la flota depunxo a Leoncio,John Jullius Norwich. (1990), Byzantium: The Early Centuries. Penguin. 1990 ISBN 0-14-011447-5, p. 334 que fuera incapaz d'asitiar el so poder y Apsimar, que tomó'l nome de Tiberiu III, sustituyólu como emperador.
Leoncio foi tullíu y zarráu nun conventu pol so socesor, onde vivió hasta 705, cuando Xustinianu II recuperó'l tronu romanu y como vengación polos socesu de 695 mandó executa-y.
Referencies
Notes
Enllaces esternos
Categoría:Persones del Imperiu Bizantín Categoría:Emperadores Categoría:Usurpadores bizantinos
Categoría:Wikipedia:Mantenimientu:Persones ensin plantía nym