A Apatura ilia é unha especie de lepidóptero ditrisio da familia Nymphalidae.
Descrición Lepidóptero coas ás dianteiras de 32 a 35 mm, bastante parecida á Apatura iris, distinguíndose polos puntos das ás; esta especie ten dous puntos máis e ademais fáltalle a forma saínte das ás traseiras. A femia é máis grande e carece de tornasolado.
Distribución Distribúese polo Paleártico: Francia, Europa central, falta no norte de Alemaña e chega polo oeste até Asia Oriental. Polo sur chega até Italia central e ao norte de Grecia. Falta nas illas mediterráneas. Distribución moi limitada en España e Portugal.
Pódese observar nos claros de bosques frondosos, sobre chans calcarios, en lagoas, vales asollados e sobre todo en veigas con pradarías, álamos brancos e álamos tremos.
Fase larval A eiruga desenvólvese desde finais de verán até comezo do seguinte, o inverno pásao como eiruga, despois da segunda muda, nas ramas dos álamos. Aliméntase de álamos e salgueiros.
Ameazas Especie moi ameazada en Europa Central, pola desaparición das súas zonas de hábitat.
Ecoloxía As larvas aliméntanse de especies de Salix, Populus tremula e Populus nigra.
Subespecies
Apatura ilia ilia Apatura ilia barcina Apatura ilia clytie Apatura ilia extensa Le Moult, 1947 Apatura ilia herastituta O. Bang-Haas, 1936 Apatura ilia here Felder, 1862 Apatura ilia hereoides O. Bang-Haas, 1933 Apatura ilia huapingensis Yoshino, 1998 Apatura ilia phaedra Leech, 1892 Apatura ilia praeclara Bollow, 1930 Apatura ilia pusilla O. Bang-Haas, 1936 Apatura ilia serarum Oberthür Apatura ilia sobrina Stichel Apatura ilia subsobrina Mell, 1952 Apatura ilia szechwanensis Le Moult, 1947 Apatura ilia ussuriensis (Kurenzov, 1937) Apatura ilia yunnana Mell, 1952 Apatura ilia yunnanensis (Le Moult, 1947).
Notas
Categoría:Lepidópteros de Europa Categoría:Bolboretas de Galicia