Río Var

O Var é un río da Provenza, Francia, que desauga no mar Mediterráneo logo dun curso de 120 km.

Percorrido O río Var nace ao sur de Barceloneta de Provenza, en Entreaunes, a 1.800 m de altura, e desemboca no Mediterráneo cerca da cidade de Niza.

Afluentes O Var recibe augas dos seguintes tributarios principais: beira esquerda: o Cians (25 km), o Tinèa (75 km) e o Vesúbia (48 km); beira dereita: Esteron (64 km).

Ademais ten outros afluentes menores como son: o Tuébi (en Guillaumes), o Coulomp (en Pont de Gueydan), o Chalvagne (en Entrevaus), o Roudoule (en Puget-Tenièrs).

Hidroloxía O caudal do Var oscila entre 50 e 100 m³/s, se ben pode experimentar cheas importantes e súbitas, por causa de chuvias torrenciais, típicas do clima mediterráneo, nas que en poucas horas pode alcanzar os 1.000 m³/s.

Historia Durante un curto tramo separa Francia e Italia, aínda que antes de 1860 todo o curso do río marcaba a fronteira entre ambos países. Isto mudou para a situación actual ao ser cedida Niza a Francia.

Dá nome ao departamento de Var, que na actualidade abrangue toda a conca do río. Antigamente, porén, o río conformaba a fronteira oriental do departamento.

Durante a Antigüidade romana era denominadoVarus e marcaba a fronteira entre as dúas Galias: a Galia transalpina e a Galia cisalpina.

Var, Río Categoría:Ríos europeos continentais do Mediterráneo occidental