260px|miniatura A Tordera é un río de Cataluña, España, que desemboca no mar Mediterráneo logo de 55 km de percorrido.
Curso O Tordera nace na Font Bona, no Coll de Sant Marçal, no Parque Natural do Montseny. Logo de atravesar as comarcas do Vallès Oriental e La Selva, entra na do Maresme, para desembocar no mar Mediterráneo, formando o delta do Tordera, que ocupa unha área de 8 km², entre as localidades de Blanes e Malgrat de Mar.
Conca A conca do Tordera, cos seus afluentes, esténdese por unha superficie total de 894 km². As correntes subterráneas son bastante máis importantes que as superficiais (no verán non leva auga na parte baixa superficial), e dela extraen auga moitas poboacións próximas á súa beira.
Afluentes De curto percorrido, cómpre destacar de entre eles: Riera de Arbúcies Riera de Santa Coloma Riera do Pertegàs
Réxime hidrográfico Posúe un réxime torrencial, típico de países mediterráneos.
Historia Indubidabelmente o río era xa coñecido na época romana como o testemuñan algúns historiadores, tales Plinio o Vello, Estrabón e Claudio Tolomeo, aínda que o nome que lle apoñen non coincide; o máis coñecido puido ser o de río Tarno (Flumen Tarnum). Durante a época medieval se denomina Tordaria ou Torderia.
Espazos protexidos Dentro da conca aparecen os seguintes espazos protexidos: Parque Natural do Montseny Parque Natural do Montnegre e o Corredor Zones PEIN en Tordera: Beira esquerda do río Tordera, La Júlia, lago de Can Torrent, lago de Cal Raba, a carballeira de Can Verdalet e os prados de En Gai.
Poboacións nas beiras Montseny Sant Esteve de Palautordera Santa Maria de Palautordera Sant Celoni Viabrea Hostalric Tordera Malgrat de Mar Blanes
Categoría:Ríos ibéricos mediterráneos Tordera, Río