Diljit Dosanjh () er ein indisk songar, skodespelar og filmprodusent som verker innan punjabi- og hindifilm. Dosanjh kom inn på Social 50-lista til Billboard i 2020. Han har vore innne på ulike musikklistar, inkludert den kanadiske albumlista, UK Asian-lista til britiske Official Charts Company og New Zealand Hot Singles. Filmane hans, som Jatt & Juliet 2, Sajjan Singh Rangroot, Honsla Rakh og Jatt & Julia 3, er blant dei høgaste inntenande punjabiske filmane i historia.
Dosanjh kjem frå Dosanjh Kalan i Jalandhar distrikt i Panjab. Han byrja karrieren sin i 2002 og fekk anerkjenning innan punjabimusikken med albuma Smile (2005) og Chocolate (2008), følgd av albumet The Next Level (2009), laga med Yo Yo Honey Singh. Han hadde ein cameo i den punjabiske filmen Mel Karade Rabba i 2010 og verka deretter som skodespelar. Han debuterte i ei hovudrolle i punjabifilmen The Lion of Punjab i 2011.
Han debuterte i Bollywood i 2016 med kriminelle thrilleren Udta Punjab, som han vann filmfareprisen for «Best Male Debut» for, i tillegg til å bli nominert til filmfareprisen for «Best Supporting Actor». Dette blei følgt av Good Newwz (2019), som han også blei nominert til «Best Supporting Actor» for. Han har vunne PTC-prisen for beste skodespelar fem gonger. Han har òg vore dommar i tre sesongar av realityshowet Rising Star.
I 2024 kunngjorde Dosanjh verdsturneen Dil-Luminati Global Tour, der han vitja i Paris, England, Irland, Italia og Nederland i Europa og Delhi, Hyderabad, Ahmedabad, Lucknow, Pune, Kolkata, Bangalore, Indore, Chandigarh og Guwahati i India.
Bakgrunn Diljit Dosanjh blei fødd den 6. januar 1984 i ein Jat Sikh-familie i landsbyen Dosanjh Kalan i Phillaur tehsil i Jalandhar distrikt i Punjab. Far hans, Balbir Singh, var tidlegare tilsett ved Punjab Roadways og mor hans, Sukhwinder Kaur, er husmor. Han har to søsken, ei eldre syster og ein yngre bror. Som barn drog Dosanjh til onkelen sinheim i Ludhiana for å gå på Guru Harkrishan Public School, av økonomiske årsaker.
Karriere
2003-2004: Ishq Da Uda Ada og DIL Dosanjh gav ut det fyrste albumet sitt, Ishq Da Uda Ada, i 2003 på Finetone Cassettes, ei avdeling av T-Series. Rajinder Singh frå Finetone, som hjelpte Dosanjh med å debutera i punjabimusikkindustrien, føreslo at han skulle skriva fornamnet sitt som Diljit i staden for Daljeet.
Populariteten til Dosanjh auka kraftig med utgjevinga av det tredje albumet hans, Smile. Det var produsert av Sukhpal Sukh, og inkluderte spora «Nachh Diyan Alran Kuwariyan» og «Paggan Pochviyan Wale». Albumet blei gjeve ut på Finetone Cassettes i 2005. Det neste albumet hans, Ishq Ho Gaya, kom ut i 2006 på Finetone Cassettes. Det femte albumet, Chocolate, kom ut i 2008.
I 2009 gav Dosanjh ut fleire ulike singlar - «Bhagat Singh (The Tribute)», «Ego (Me and Myself)» og «Dance With Me» saman med Yo Yo Honey Singh i tillegg til «No Tension» og «Power of Duets».
20. august 2009 gav Dosanjh ut det sjette studioalbumet sitt, The Next Level, med musikk skriven av Yo Yo Honey Singh. Albumet hadde 8 spor. Opningssporet «Dil Nach Da», som var ein stor suksess, blei etterfølgd av songar, gangsta rap-sporet «Panga» og «Los Angeles (LA)», begge med Honey Singh som deltakar. Albumet blei ein suksess og fekk positiv omtale.
Dosanjh gav ut den neste songen sin i 2010, for lydsporet til filmen Mel Karade Rabba. Sporet var med i tittelsekvensen til filmen.
2011-2012: Byrjing i punjabifilm og Lak 28 Kudi Da høgre|mini|Dosanjh og Neeru Bajwa promoterer punjabisfilmen sin. I 2011 debuterte Dosanjh i punjabifilm. Han hadde hovudrollar i The Lion of Punjab, som kom ut i februar 2011. Sjølv om filmen ikkje hadde gode publikumstal, nådde «Lak 28 Kudi Da» frå lydsporet til filmen, som var skriven av og framført med Yo Yo Honey Singh, 1. plassen på Asian Download Chart i USA gjeve ut av BBC. I juli 2011, kom den andre punjabifilmen hans Jihne Mera Dil Luteya ut. Filmen, som også Gippy Grewal og Neeru Bajwa, gjorde det bar. Dosanjh song på seks av dei tolv spora på lydsporet til filmen. I november 2011kunngjorde Dosanjh at han ikkje kom til å gje ut det planlagfe albumet Urban Pendu grunna kontroversen kring singelen «15 Saal». Songen, som Yo Yo Honey Singh var med på, omtalte promiskuøse ungjenter og bruken deira av alkohol, narkotika og tatoveringar. Han skreiv på Facebook at «Det var ikkje meininga å såra nokon. Eg orsakar til fansen min som venta på denne songen.»
2012-2019: Skodespelar i punjabifilmar og Bollywood høgre|mini|Dosanjh og Sonakshi Sinha ved IIFA-prisutdelinga. Dosanjh heldt fram med samarbeidet med Yo Yo Honey Singh i 2011 med sporet «Goliyan», som seinare blei gjeve ut på albumet International Villager. Han sang så for soundtracket til Bollywood-filmen Tere Naal Love Ho Gaya, som kom ut i januar 2012, i ein singel som heiter «Pee Pa Pee Pa» i lag med Priya Panchal. Han spelte òg i musikkvideoen i filmen. Seinare slapp han singelen «Bodyguard», som glorifiserte fallet til den libyske revolusjonære og leiaren Muammar Gaddafi. Den neste singelen «Miss Lonely» var skriven av JSL Singh. I mars 2012 gav han ut det fyrste religiøse albumet sitt, som hadde tittelen Sikh. Albumet inneheld åtte singlar og tek for seg prinsippa og filosofien til sikhismen. Dosanjh hadde ei hovudrolle i filmen Jatt & Juliet frå 2012. Filmen blei ein av dei største suksessene innan punjabifilm. Filmen, som var regissert av Anurag Singh, hadde òg med skodespelaren Neeru Bajwa og blei filma i Punjab og Mumbai i India og Vancouver i Canada. Dosanjh vann PTC Punjabi Film Award for beste skodespelar for filmen. Han song òg på fem av dei sju låtene i lydsporet til filmen.
I november 2012 gav han ut det åttane albumet sitt, Back 2 Basics. Albumet hadde ni sport og musikken var skriven av Tru Skool. Duoen samarbeidde om å produsera den sær populære «Kharku», som vann prisen «Best Bhangra Song of the Year» både på Brit Asia TV Music Awards og PTC Punjabi Music Awards. I januar 2013 kom den tredje punjabifilmen til Dosanjh ut, Saadi Love Story. Filmen, der også Amrinder Gill og Surveen Chawla spelte, blei ikkje ein stor kommersiell suksess. Dosanjh song to songar i lydsporet til filmen, komponerte av Jaidev Kumar.
Dosanjh gjorde ein gjesteopptreden i april 2013 på den punjabiske filmen Bikkar Bai Sentimental med songen «Main Fan Bhagat Singh Da». Etter suksessen til Jatt & Juliet, gav produsentene av filmen ut ein oppfølgjar til filmen, Jatt & Julia 2, i juni 2013. Dosanjh spelte rollen som politimann i filmen. Filmen hadde ni songar i lydsporet, fire av dei sungne av Dosanjh. Han song òg i «Main Taan Aidaan Hi Nachna» frå lydsporet til Bollywood-filmen Yamla Pagla Deewana 2, som kom ut i juni 2013. I august 2013 blei musikkvideoen til Dosanjh sin song «Proper Patola» utgjeven på videotenesta Vevo, som den fyrste punjabiske songen synt på denne tenesta. Singelen hadde fått over ein million visingar på YouTube berre fem dagar etter at han blei sloppen. Den neste punjabiske filmen Dosanjh spelte i var Disco Singh, som kom ut 11. april 2014. Filmen var regissert og skriven av Anurag Singh, hadde òg Surveen Chawla i ei hovudrolle, og blei spelt inn i Delhi. I 2014 arbeidde han òg med filmen Punjab 1984, også regissert av Anurag Singh, som går føre seg under opprøret i Punjab i 1984-86. Filmen kom ut den 27. juni 2014. Han vann National Film Award for beste film på punjabi. I 2015 vitja Dosanjh dei amerikanske hovudkvarteret til Google, Facebook, Twitter, YouTube og Instagram på same dag, som den fyrste sørasiatiske artisten. I 2015 song han ein duett i Coke Studio @ MTV Season 4, «Ki Banu Duniya Da», med songaren Gurdas Maan som blei kringkasta på MTV India 16. august 2015. Den andre filmen til Dosanjh frå 2015, Mukhtiar Chadha, var ein romantisk komedie.
Dosanjh spelte i den fyrste hindifilmen sin i 2016, med krimdramaet Udta Punjab regissert av Abhishek Chaubey. Med ei samla global omsetjing på 996,7 millionar rupi var filmen ein kommersiell suksess. Filmen tek for seg stoffmisbruk i den indiske provinsen Punjab. I tillegg til Dosanjh spelte Kareena Kapoor, Shahid Kapoor og Alia Bhatt i filmen. Indiske Central Board of Film Certification meinte at filmen representerte Punjab i eit negativt lys og kravde kraftig sensur før han kunne spelast på kinoar. Bombay High Court avgjorde så at filmen kunne synast med ein scene klippa vekk. Dosanjh song «Ik Kudi» for filmen. I ein svært positiv omtale skreiv The Hindu at Dosanjh hadde suksess med å levera ein «highly hitting performance».
In 2017 spelte Dosanjh i Phillauri, i lag med Anushka Sharma og Suraj Sharma. Filmen tok inn over 5 millionar rupi. I 2018 spelte han hovudrolla i ein film basert på den fyrste verdskrigen, Sajjan Singh Rangroot. I 2019 blei han den fyrste turbanberande sikhen til å bli framstilt i ein voksfigur ved Madame Tussauds. Dette året spelte han i Good Newwz i lag med Akshay Kumar, Kareena Kapoor og Kiara Advani, som blei ein av dei mest inntenande filmane if 2019.
mini|Diljit Dosanjh ved lanseringa av traileren for Amar Singh Chamkila i 2024.
I 2020 spelte han i samfunsssatirefilmen Suraj Pe Mangal Bhari saman med Manoj Bajpayee og Fatima Sana Shaikh. Filmen debuterte på kinoar den 13. november 2020. Dette året gav Dosanjh òg ut ein religiøs song, «Paigambar».
I 2020 kom Dosanjh inn på Social 50-lista til Billboard etter utgjevinga av albumet <i id="mwAaI">G.O.A.T.</i> Albumet gjekk seinare til topps på Billboard Top Thriller Global-lista.
I 2021 gav Dosanjh ut det tolvte albumet sitt, Moonchild Era, som var skrive av Raj Ranjodh og Arjan Dhillon. Albumet nådde 32. plassen på Billboard Canadian Albums Chart og gjorde han til den fyrste indiske artisten som hadde tre album på Billboard-listene. I 2021 kom han inn på lista Sikh 100. Han byrja som filmprodusent med Honsla Rakh med Sonam Bajwa, Shehnaaz Gill, Shinda Grewal ved sidan han. Filmen gjorde 5,05 millionar på dagen han opna, og gjorde det til den høgaste innkomsfilmen på Punjabi på dagen han byrja. Han signerte med Warner Music i mars 2022.
I april 2023 opptredde Dosanjh på Coachella Valley Music and Arts Festival som den fyrste indiske punjabiartisten.
I 2024 spelte Dosanjh punjabisongaren Amar Singh Chamkila med Parineeti Chopra som motspelar i Imtiaz Ali-filmen Amar Singh Chamkila, som blei gjeven ut på Netflix.
Dosanjh framførte to songar, «Born to Shine» og «GOAT» på The Tonight Show starring Jimmy Fallon i juni 2024. Han song «Bhairava Anthem» for den telugu-språklege science fiction-filmen Kalki 2898 AD (2024), og spelte i musikkvideoen til denne med skodespelaren Prabhas frå filmen. Han hadde hovudrolla som ein usikker elska i lag med Neeru Bajwa i punjabi-komedien Jatt & Juliet 3 regissert av Jagdeep Sidhu. Som forgjengarane fekk filmen positive omdøme og blei ein stor suksess innan punjabifilm. Han blei den nest mest inntenande punjabiske filmen gjennom tidene.
mini|Diljit Dosanjh med den indiske statsministeren Narendra Modi i 2025.