Avon er ei elv som renn gjennom eller er grenseelv til Gloucestershire, Leicestershire, Northamptonshire, Warwickshire, Worcestershire i Midlands i England. Ho er òg kjent som Upper Avon, Warwickshire Avon (etter grevskapet ho har hovuddelen av løpet sitt i) eller Shakespeares Avon (fordi ho renn gjennom Stratford-upon-Avon der Shakespeare vart fødd. Namnet er ei anglifisering av det walisiske afon, som tyder «elv». Avon er 137 kilometer lang, med eit nedbørfelt på 2 670 km².
Elveløpet Avon har utspringet sitt nær Naseby i Northamptonshire. Dei første kilometrane, frå Welford til Dow Bridge ved Watling Street, er ho grenseelv mellom Northamptonshire og Leicestershire. Ho har på denne strekninga vorte demd opp i Stanford-reservoaret.
Elva renn så vidare meir eller mindre i vest-sørvestleg retning, rett nord for Cotswold Edge og gjennom Vale of Evesham. Ho passerer Welford, Rugby, Wolston, Leamington Spa, Warwick, Stratford-upon-Avon, Welford-on-Avon, Bidford-on-Avon, Evesham og Pershore. Avon renn så ut i Severn ved Tewkesbury.
Sideelvane til Avon er mellom andre Leam, Stour, Dene, Arrow, Swift, Alne, Isonbourn, Sherbourne og Swilgate, og dessutan ei rekkje mindre bekker.
Kjelder Denne artikkelen bygger på «Avon (Warwickshire)» frå , den 4. juli 2011.
Bakgrunnsstoff
Kategori:Sideelvar til Severn Kategori:Elvar i Gloucestershire Kategori:Elvar i Leicestershire Kategori:Elvar i Northamptonshire Kategori:Elvar i Warwickshire Kategori:Elvar i Worcestershire