Рудльов, Rudlov — село в Словакии, в окресѣ Вранов над Топльов Пряшовского краю. Село мать захранку, закладну школу (словацку), водовод, е газофиковане.https://web.archive.org/web/20180817212917/http://obec.obecrudlov.sk/index.php/test/sucastnost
География Розложене на востоку Словакии над потоком Соленый, правым притоком Топлѣ. Сосѣдне село — Соль, з котрым уже майже злучив ся. Околичны верхы поднимають ся до вышкы 755 м.н.м. Готарны назвы: Земичкы, На обшари, На загумнѣ, Табличка, Загуменкы... При селѣ е ложиско соли в глубцѣ 270-450 м.География Рудльова.
В околичных лѣсах суть жерела питной воды, дакотры суть солены, во двох жерелах тече желѣзиста «квасна вода». Суть тыж лѣчивы багна, а при них в минулости были купелѣ. В катастрѣ села лежать природны резервации Замутовска ольшинá (0,66 га) и Замутовскы скалы (30,66 га).
История Подля Крайознательского архиву в Пряшовѣ село взникло в року 1402. Закладательом села быв шолтис Рудло, первы упоминкы суть под назвов Rudelfalva. Село належало ку жупѣ Земплин. Днешна назва села заховала ся од року 1920.История Рудльова
Днешна грекокатолицка церква Пресвятой Богородицѣ выставлена в року 1822 на середновѣком фундаментѣ. 11. апрѣля 1991 на хыжи, де ся родив Адолф Добрянскый (грекокатолицка фара) святочно отворили памятну таблу.
Обывательство
Вызнамны родаци Адолф Добрянскый — русинскый политик, в своем часѣ единкый славянскый посланець угорского парламента, сполузакладатель Матицѣ Словацкой. Виктор Добрянскый — священик, организатор школства, политик, публициста.
Жерела и одказы География Рудльова История Рудльова Церковный живот Рудльова
Референции
Катеґорія:Населены пункты Словакии